Աբովյան քաղաքում, Երիտասարդական 14 շենքի բակում, տեղի է ունեցել վիճաբանություն, որի ընթացքում հնչել են կրակոցներ։ Դեպքի հետևանքով մի քաղաքացի ստացել է վնասվածք գլխին։

Տեղի ունեցածի մասին տեղեկացումը ստացվել է ժամը 15:00-ի սահմաններում։ Վիրավորված անձը տեղի «Աբովյան» բժշկական կենտրոնից ռեանիմոբիլով տեղափոխվել է Երևանի մասնագիտացված հիվանդանոցներից մեկը՝ անհրաժեշտ բուժօգնություն ստանալու համար։

Աբովյանի քննչական բաժնում դեպքի փաստով նախաձեռնվել է քրեական վարույթ։ Քննիչները պարզում են դեպքի հանգամանքները, մասնակիցների և վիրավորի ինքնությունը։ Որոնողական աշխատանքներ են տարվում հանցագործության գործիք հանդիսացող հրազենը հայտնաբերելու ուղղությամբ։