Հակակոռուպցիոն կոմիտեն հայտնում է, որ Երևան քաղաքի Մալաթիա-Սեբաստիա վարչական շրջանի աշխատակազմի մի քանի պաշտոնատար անձիք, օգտագործելով իրենց լիազորությունները, կաշառք են ստացել մի շարք քաղաքացիների օգտին՝ ապօրինի անգործության դիմաց։

Նախաքննությամբ պարզվել է, որ 2025 թվականի նոյեմբերին վարչական շրջանի պաշտոնատար անձանցից մեկը, տեղյակ լինելով նույն շրջանում իրականացվող ապօրինի շինարարական աշխատանքների մասին, նախապես պահանջել է 200․000 դրամ կաշառք՝ մինչև 2,5 միլիոն դրամի չափով տուգանք առաջացնող իրավախախտումը չարձանագրելու համար։

Մյուս պաշտոնատար անձը ևս, տեղյակ լինելով տվյալ վարչական շրջանի հասցեներից մեկում իրականացվող ապօրինի շինարարական աշխատանքների մասին, չի արձանագրել խախտումը և 2025 թվականի հոկտեմբերին կաշառք է ստացել։

Հակակոռուպցիոն կոմիտեի կողմից նրանցից երկուսին մեղադրանք է առաջադրվել ՀՀ քրեական օրենսգրքի 435-րդ հոդվածի 2-րդ մասի 3-րդ կետով (կաշառք ստանալ), իսկ կաշառք տված անձին՝ ՀՀ քրեական օրենսգրքի 436-րդ հոդվածի 2-րդ մասի 3-րդ կետով (պաշտոնատար անձի նկատմամբ ունեցած իրական կամ ենթադրյալ ազդեցությունն օգտագործելու նպատակով ապօրինի վարձատրություն տալը)։ Նրանցից մեկի նկատմամբ խափանման միջոց է կիրառվել կալանքը։

Այս գործով հետաքննությունը շարունակվում է։