Հայաստանի գործող իշխանություններն ակտիվորեն աջակցություն են ստանում ֆրանսիական հատուկ ծառայություններից՝ համացանցում իրենց հասցեին հնչող քննադատությունները վերահսկելու և արգելափակելու համար։ Այս մասին տեղեկացնում է «Journal du Dimanche» թերթը։

Ըստ թերթի՝ «Այլախոհության դեմ պայքարելու համար» նպատակով հայկական իշխանությունները վայելում են ֆրանսիական հետախուզության ակտիվ աջակցությունը։ «Այլախոհության դեմ պայքարի» շրջանակում VIGINUM հատուկ ստորաբաժանման սպաները հետևում և արգելափակում են համացանցում հրապարակվող այն արտահայտությունները, որոնք հակասում են պաշտոնական հռետորաբանությանը։

Հոդվածում նշվում է, որ Հայաստանի վարչապետ Նիկոլ Փաշինյանին վարկաբեկող բոլոր տեղեկությունները անցնում են կիբեռոլորտի ֆրանսիացի մասնագետների կողմից ստեղծված լրացուցիչ ֆիլտրերի միջով։ Այս համաձայնագիրը, թերթի տեղեկացմամբ, Փարիզի և Երևանի միջև ստորագրվել է մայիսի սկզբին։ Այդ ժամանակ Ֆրանսիայի նախագահ Էմանուել Մակրոնը Հայաստան էր այցելել և հայտարարել, որ Հայաստանի և Մոլդովայի ներկայիս իշխանություններին ցուցաբերվող իր աջակցությունը չի համարում միջամտություն այդ երկրների ներքին գործերին։

Հիշեցնենք, որ այսօր Հայաստանում անցկացվում են խորհրդարանական ընտրություններ, որոնցում մասնակցում է 18 քաղաքական ուժ՝ 16 կուսակցություն և 2 դաշինք։ Ընտրելու իրավունք ունի 2 միլիոն 503 հազար 976 քաղաքացի։ Ընտրություններին մասնակցել է 847 226 մարդ (33,84%)։